Минздрав Чувашии

Тепĕр çулталăкран Шупашкарта больница хута кайĕ Источник: http://chgtrk.ru/news/20648

Паян Чăваш Ен Пуçлăхĕ Михаил Игнатьев тĕп хула аталанăвне тимлĕх уйăрчĕ. Вăл «Серебряные Ключи» çуртсен комплексне çитсе курчĕ тата Ленин проспектĕнчи поликлиника строительствипе паллашрĕ. Елена Дмитриева, Екатерина Янгалакова «Серебряные ключи» комплекс тĕп хула варринче вырнаçнă. Кунта паян 5 нумай хваттерлĕ çурт хăпартаççĕ. Чăваш Ен Пуçлăхĕ строительство мĕнле пынипе паллашнă май, пĕр пÿртĕн пĕрремĕш хутне кĕрсе курчĕ. Кантăксене лартнă, халĕ коммуникаци тата ăшă тытăмĕсене майлаççĕ. Çуртсене тепĕр çултан туса пĕтерме шантараççĕ. Çавăн пекех, планпа килĕшӳллĕн, микрорайонта икĕ ача сачĕ, шкул тумалла, çул сармалла, тавралăха тирпей-илем кĕртмелле. Республика ертӳçи çавăн пекех Ленин проспектĕнче çĕкленекен больницăна çитсе курчĕ. Кунта малтан кивĕ поликлиникăпа ача çуратмалли уйрăм пулнă. Çĕнĕ çурта 2017 çулта тума пуçланă. Медицина учрежденинче кунне 500 çын йышăнма пултарĕç. Ку вăл хулашăн кĕтнĕ, пĕлтерĕшлĕ объект. Ку вăл - медицина комплексĕ. Кунта 2 – 4 тата 5 хутлă çуртсем тăваççĕ. Çакăн валли республика хыснинчен 746 миллион тенкĕ уйăрнă. Больницăра çынсене хальхи медицина пулăшăвĕпе тивĕçтермелли майсем йăлтах пулĕç: клиникăпа диагностика лабораторийĕсем, специалистсен пӳлĕмĕсем, кăнтăрлахи стационар тата ытти те. Источник: http://chgtrk.ru/news/20648